الريم
*** بقلم الشاعر فليح الجبور الصخري
لا تعدّل بالقصيده ادري اسمك ما هو فيها
صاحب الموضوع هو من يكتب الموضوع بيده
اي كلمه بالقصيده مــ اعجبتك اشر عليها
وكان اسمك ما هو فيها ما اسميها قصيده
ابشر بوحده جديده من اللي قلبك يشتهيها
وهذا انا كرمال عينك بادي بوحده جديده
كامله والكامل الله بس وشلون ابتديها
والمشاعر نارها من يابس ضلوعي وقيده
اشعلتها اللي حياتي كل ابوها بين ايديها
يوم طاريها وصلني من هكدار البعيده
ابدويه امدنيه احضريه مالي فيها
الهوى لا هب ماله لا اصول ولا عقيده
يعلم الله لو بروحي مستعد اني افتديها
والغلى اللي مو غلاها حتى شعري ما يريده
هذي اللي اعذب بيوت الشعر تشره عليها
هذي ترفع من رصيد الشعر وان ينقص تزيده
هذي غيمه من ثلاث شهور وعيني تحتريها
هذي اللي في عيوني كنها الانثى الوحيده
هذي المهره العنيده مــ اي واحد يمتطبها
الا عاد اللي تعود يركب المهره العنيده
هذي عمله مـ اتثمن للي فكر يشتريها
هذي مثل المعدن اللي ندرته ترفع رصيده
هذي الغيم اللي لو به بس قطره ارتجيها
هذي الريم اللي عِجزت كل خلق الله تصيده
هذي اللحظه السعيده لحضة اني التقيها
وان قسم ربي وجمعنا كل ايامي سعيده
هذي لا جيت افتديها بيش ودي افتديها
الا عاد ان قلبي الي حبها بعطي وريده
هذي اللي كل نضره من عيوني تحتريها
بس ما باليد حيله لا غدت عنّي بعيده
من العناد "" وبالعناد تعرف هي الله يهديها
لاني اللي مستفيد ولا هي مستفيده
الا ما ربي يريد واقدر اني احتويها
والل ي اريده ما يصير الا اذا ربي يريده
